Проектот за факторинг на УСАИД

Проектот за факторинг на УСАИД е тригодишна активност насочена кон забрзување на растот на малите и средни претпријатија (МСП) преку зголемување на нивното
знаење за факторингот и на неговата употреба. Проектот го спроведува „ФакторТруст“, локална компанија за факторинг.

Проектот за факторинг работи на подигање на свеста на малите и средни претпријатија и деловните здруженија со цел:

1. да се зголемат можностите што се достапни од алтернативен финансиски производ
2. да се зголеми побарувачката од факторинг кај малите и средни претпријатија
3. да се подобри регулаторното опкружување за употреба на факторингот
4. да се зајакнат знаењата и практиките за финансиско управување на малите и средни претпријатија
5. да се подобри разбирањето на малите и средни претпријатија за факторингот како финансиски инструмент што може да создаде моментна и достапна ликвидност

Потребата од финансиско управување

Mалите и средни претпријатија во Република Северна Македонија честопати немаат познавање на ефикасни методи за финансиско управување, потребни за напредок на
компанијата, за да може да биде конкурентна во современата пазарна економија. Оваа активност е наменета кон подобрување на знаењето и практиката на финансиското управување на главните носители на одлуки (сопственици, директори, финансиски службеници и сл.), што се наведува како една од трите најголеми пречки за растот на малите и средни претпријатија во регионот. Факторингот, како финансиски производ, бара од раководителите на малите и средни претпријатија да имаат соодветно знаење за ефикасно финансиско управување и за тоа како правилно да го користат факторингот.

Со целна финансиска обука обезбедена од консултанти, малите и средни претпријатија го стекнуваат потребното разбирање на факторингот како финансиски инструмент кој може да создаде моментна и достапна ликвидност и да ги зголеми продажбата и приходите на нивните компании.

Цели на активноста

Преку оваа активност, Проектот за факторинг на УСАИД има за цел да ги поддржи малите и средни претпријатија преку подобрување на знаењето и практиката на финансиското управување на главните носители на одлуки, сопственици, директори, финансиски службеници и сл., што ќе им помогне да ги развиваат своите компании. Финансиските консултанти ќе работат со малите и средни претпријатија за да го утврдат и одберат најсоодветното финансиско решение за нивните мали и средни претпријатија во дадено време. Се претпочитаат консултанти со сертификат за овластен менаџмент консултант и се охрабруваат да аплицираат.

 

Што е факторинг

Факторинг претставува финансиска трансакција при која бизнисот продава наплатливо побарување (обично фактура) со попуст (најчесто еднаков на збирот од каматата и
давачките за услуги) на фирма за финансиски услуги.
Клучни услови за факторинг:

1. Производите/услугите мора да се испорачани
2. Фактури кои подлежат на факторинг не смеат да бидат со поминат рок на достасување, заложени или префрлени на трето лице

Сектори во кои може да се применува факторинг

Приод

Избраните консултанти ќе спроведат преглед и процена на потребите од финансирање на заинтересираните мали и средни претпријатија. Надоместоците за оваа фаза ќе бидат покриени од Проектот. Доколку и кога ќе се утврди дека факторингот е соодветен извор на финансирање, консултантите ќе ги презентираат придобивките и предностите од користење на факторингот, што ќе резултира со подготовка на барање за факторинг услуги од страна на малите и средни претпријатија.

Дополнителната побарувачка од факторинг од страна на малите и средни претпријатија ќе создаде дополнителни бизнис-можности за финансиските консултанти и зголемена промоција на факторингот како финансиски инструмент. Надоместокот за одобрено барање ќе го мотивира консултантот за понатамошно промовирање на факторингот кај други мали и средни претпријатија. Консултантите на компаниите ќе им понудат финансиски советодавни услуги, покрај тоа што ќе го презентираат факторингот како најсоодветен извор на финансирање за нивните конкретни потреби и ќе поттикнат изработка на барање. Главната цел е да се стреми кон конечно затворање на трансакцијата, со крајна цел мотивирање на давателите на финансиски услуги да се специјализираат на полето на понудата на факторингот како извор на финансирање.

Процес на пријавување и избор на финансиски консултанти

Чекор 1: Проектот за факторинг ќе објави оглас, со покана до финансиски консултанти за да се пријават за обезбедување финансиски услуги на малите и средни претпријатија во врска со факторингот.

Чекор 2: Избор на соодветни кандидати.

Чекор 3: Консултантите ќе поднесат барање за помош од Проектот за факторинг на УСАИД за да ги лоцираат и да ги подготват/обучат компаниите во врска со факторингот и да ги доведат клиентите кои се прифатливи за финансиските институции, на состаноци и понатамошни преговори.

 

Опис на процесот на надоместување на консултантот

Чекор 1: Давателот на финансиски услуги работи директно со компанијата која поднела барање. Резултатот ќе биде компанијата да поднесе барање за факторинг. По приемот на барањето од малите и средни претпријатија (подносителот), финансиската институција (компанија за факторинг или банка) ќе разгледа дали тоа барање е прифатливо. Потоа, финансиската институција ќе го информира Проектот за факторинг дека одбраниот консултант изработил и презентирал барање во однос на кое може да се примени факторинг и Проектот на консултантот ќе му надомести 100 американски долари за секое одобрено барање.

Чекор 2: Доколку барањето за факторинг од Чекор 1 биде одобрено од финансиската институција и финансиската институција го извести Проектот за факторинг дека барањето е одобрено и факторинг институцијата го извести Проектот за факторинг за договорениот промет на факторингот (вредност на фактурата) за тоа барање за факторинг, Проектот ќе плати провизија за успех од дополнителни 600 американски долари.

Чекор 3: Откако финансиската институција ќе го извести Проектот за факторинг дека избраното и одобрено барање не е само финансирање на единична фактура, туку нивната соработка со компанијата се проширила на повеќе фактури или на цело портфолио, Проектот за факторинг ќе му плати на одобрениот и одбраниот консултант дополнителни 100 американски долари како награда.

 

Потребни документи за поднесување барање

Доколку сте консултантска компанија или индивидуален консултант, потребни се следниве документи за да го доставите вашето барање на разгледување, преглед и можно одобрување:

А) Консултантски компании

• Копија од потврда за регистрација
• Резимеа на консултантите

Б) Индивидуални консултанти

•  Резиме на консултантот и лична карта.
• [незадолжително] Препораки за консултантот од мали и средни претпријатија со кои
  претходно соработувал.
• [незадолжително] Препоракa од работа со други донаторски проекти.

Сите зентересирани консултанти да јај достават целата потребна документација на следниот меил: factoringproject@faktortrust.com.mk

*Го задржуваме правото да ги отфрлиме сите барања или да ги повлечеме претходно прифатените барања и/или подносители за кои се смета дека ги кршат утврдените стандарди*