За Факторинг

Што е ФАКТОРИНГ?

Факторинг е краткорочна форма на финансирање што се базира врз откуп на недоспеани фактури со рок на доспевање од 30 до најмногу 180 дена, а кои произлегуваат од продажба на стоки или услуги на домашен или странски пазар. Овозможува брз пристап до финансиски средства врз база на испорачана стока или услуга, а истовремено дава можност за премостување на одложените денови на плаќање и добра соработка со купувачите.

Факторингот вклучува продажба на фактурите и нивна конверзија во готовина, со што се подобрува ликвидноста без да се прикаже зголемено задолжување во билансите и без дополнително обезбедување.

Како функционира?

  • Финансиската институција (факторот) врши проценка на кредитната способност на компанијата и неговите купувачи и одобрува кредитни лимити;
  • Компанијата доставува фактури, а купувачот истите ги потврдува;
  • За секоја фактура што се откупува, на компанијата ѝ се исплаќа аванс во висина од 70-90% од износот;
  • Откако ќе се наплати фактурата, останатиот дел од износот намален за трошокот за факторинг, се уплаќа на сметка на компанијата.

Зошто факторинг?

  • Факторингот обезбедува брз пристап до финансиски средства и со тоа ја подобрува ликвидноста која им е потребна на компаниите. На тој начин факторингот го стимулира нивниот развој;
  • За разлика од банкарски кредит, кај факторингот нема потреба од дополнителен колатерал/залог;
  • Преку факторинг се обезбедува брз пристап до обртен капитал, со тоа компаниите можат да ги финансираат своите тековни операции без да треба да чекаат фактурата да доспее за наплата, што обично трае од 60 до 120 дена, а понекогаш и повеќе;
  • Со овој начин на финансирање една компанија може навреме да ги наплати фактурите, да обезбеди капитал потребен за да го води бизнисот, да ги исплати добавувачите и вработените и да обезбеди раст на компанијата.

Кои се клучните придобивки од факторингот?


Пристап до обртен капитал

Брзо финансирање

Без дополнителен колатерал

Подобрена ликвидност

Зголемена продажба и раст

Флексибилни услови за плаќање

Конкурентна предност